Жағымды жаңалық: — «Ислам және өркениет» гезетінің сайты ашылды

Хазреті Мұхаммед (с.а.с) пайғамбарымыздың хадис шәріпінде: «Дін –насихат», — делінген. Дініміздің асыл құндылықтары насихаттау арқылы халыққа жетеді. Бұл күнде насихат бұлағы — бұқаралық ақпарат құралдары екені белгілі. Соның бірі Қазақстан  мұсылмандарының  төл басылымы  әрі пәрмендісі «Ислам және Өркениет» газеті.

Дініміз  Ислам – біліммен танылып, санамен қабылдануы қажет. Сонда ғана халықтың көзі ашылып, Исламды тани түсері анық. Осы мақсатта қызмет етіп келе жатқан бұл басылымда тақырып та көп, өріс те кең. Ислам дінінің мәдениетін және інжу маржандары мен құндылықтарын насихаттап халықтың діни танымдылығын артыруға өз үлесін қосып, көп  жылдардан бері ел мен жер тұтастығын сақтауға, ұлттар мен ұлыстардың өзара  ынтымағы мен бірлігін күшейтуге ықпал етіп келеді.

Аталмыш газетке биыл 10 жыл асып отыр, Осы орайда асыл дінімізді насихаттауға сүбелі үлес қосып келе жатқан газетіміздің ғаламтор бетінде жеке бетінің http://www.islam-orkeniet.kz/ ашылғандығын жер жаханға паш етіп, мақтанышпен айтқымыз келеді.

Сайт жаңадан ашылғанымен тез арада Еліміздің діни сайттарының алды болады деген сенімдеміз. Себебі газеттің тұрақты  оқырманы мен тың, қызықты мақалалары өте көп.

Сайтта мынадай айдарлар ашылған:

• Бастапқы бет
• Жаңалықтар
• ҚМДБ
• Өзекті
• Шариғат
• Уағыз
• Сұхбат
• Таным
• Салт-дәстүр
• Экономика
• Уақыт үні
• Тарих парағы
• Ғибратты ғұмыр
• Имандылық иірімі
• Әдебиет
• Аудио
• Видео

Асыл дінімізді насихаттауға атсалысайық, ағайын!

Қаттани мешітінің администраторы: Ұ.Алиакбарұлы.

Print PDF