Діни ағымдарға қарсы тұру мақсатында жастарды, мектеп оқушыларын спорттық — мәдени секцияларына тарту, бос уақытын тиімді пайдалану мақсатында таяуда мәдени іс — шара өтті. Іс — шараға қатысқан Достық ауыл округі «Достық» мешітінің бас имамы Кулет Егемқұл береке бірлікке, ынтымаққа, жақсылыққа ұйытатын қасиетті дініміз адамзат баласын парасаттылыққа, адамгершілікке, қайырымдылыққа, төзімділікке, ұстамдылыққа қоршаған ортамен жақсы қарым — қатынаста болуға шақыратын, жақсылыққа шақырып, жамандықтан қайтаратын Алла тағала алдындағы шынайы дін ислам екендігінің мән — мағынасын түсіндірді. Қазіргі таңда теріс әрекетімен ата – бабаларымыздың 14 ғасырдан бері ұстанып келе жатқан дініміз бен қатар әдеп — ғұрып, салт — дәстүлерімізді жоққа шығарып жүрген кері тартпа діни ағымдардың шығу тарихтарымен таныстырып өтті. Кездесу барысында ұстаздар, оқушылар арасынан қойылған көкейде жүрген сұрақтарына жауап берілді.
Шардара ауданы «Шардара» орталық мешітінің баспасөз қызметі.