Тамыз айының 19 — шы жұлдызы күні Шардара ауданы Жаушықұм ауылы «Жаушықұм» мешітінде қасиетті жұма намазына жиналған жамағатқа «Перзенттің ата — ана алдындағы борышы», — атты тақырыпта облыстан арнайы іс — сапармен келген Қазығұрт шағын ауданы «Қожданай ата» мешітінің бас имамы Д. Желеуов уағыз — насихат айтты. Дастан Желеуов ислам діні жанұяны сүйіспеншілік пен өзара көмектесу, жанашырлық сезімін қалыптастыратын қасиетті шаңырақ ретінде қарастырады. Ұрпақтың жалғасып, олардың ұядан ұшқанға дейінгі баянды өсіп — жетілуі ата — анаға тікелей байланысты. Алла Тағала ұрпақтың жалғасуын негізгі бес қасиетті ұғымдардың қатарына қосып, оның сақталуына үлкен маңыз артқан. Қасиетті шаңырақты шайқалтпай негізін қалыптастыратын ең берік тірек ата — ана. Адамның дүниеге келуіне себепкер болып, жетілуінде ерекше рөлі бар ата — аналар ең әуелі құрмет көрсетілуі тиіс аяулы жандар екендігіне кеңінен тоқталды. Жұма намазынан кейін жамағат көңілде жүрген сұрақтарын ортаға салып, тұшымды жауаптарын алды.
Шардара ауданы: «Шардара» орталық мешітінің баспасөз қызметі.
Print 
PDF
