«Әлі Бекен» мешіті.

«Әлі Бекен» мешіті. Хантағы елді мекенінде таудың баурайындағы тастақ өзенінің жағасында орналасқан. Мешіт 2007 жылы маусымда ашылып, халықтың пайдалануына берілген. Мешітті Бекболат Бекенов өз қаражатына салғызған. Мешіт қақпасы шығыс үлгісінде арка етіп салынған, биіктігі он екі метр.Темірден иілген облы қақпалар орнатылған. Мешіт алаңы 0,2357 шаршы метрді алып жатыр. Мешіт ауласы оюлы шарбақтармен қоршалып, роза гүлдері отырғызылған және құмыра мен мәрмар тастан жасаған Құран Кәрім кітабының макеті орнатылған. Мешіт ғимараты мұнаралары мен күмбезінің әсем көрінуі үшін арнайы прожекторлар мен фонарлар қондырылған. Мұнымен қатар, Діни басқарманың жаңалықтарымен елді таныстырып отыру үшін «имандылық айнасы» тақтасы орнатылған. Мешіт екі күмбезді, бір мұнаралы және екі қабатты болып салынған. Мешіттің биіктігі жер бетінен 14, ал мұнарасы мен 24 метр. Мешіт ғимаратын салуға күйдірілген қызыл кірпіш пайдаланыған. Мешіттің есіктері шынар ағаштарынан оюланып жасалған, терезелері пластикалық металдан қойылған. Сыртқы есіктері екі жаққа қарай ашылады. Мешіттің бірінші қатабында үш бөлме орналасқан. Бір мезгілде 700 намазхан құлшылық жасай алады. Жас жұбайлардың неке қидыруы үшін арнайы бір бөлме бөлінген онда, заман талабына сай келетін орындықтар мен жиһаздар қойылған. Мұнымен қатар, бір бөлме қабылдау бөлмесі болып саналады. Намаз оқитын залдың көрінісі дөңгелек, оюланып, әрленген, ал михрабы Түркістан қаласындағы Қ.А.Иасауи кесенесіндегі үлгіде жасалған. Қабырғасы қасиетті Құран аяттары алтын әріптермен безендіріліп, жазылған. Күмбездің ішкі диамері 9 метр, шығыс үлгісінде жасалған бағанаға (ұстынға) тұрғызылған. Күмбеззедің іші айнала «Жұма» сүресінің аяттармен әрленіп жазылған. Үлкен залын Біріккен Араб Әмірлігінен алып келген салмағы 300 кг люстра ілінген. Мешіттің төбесінде Аллаһтың 99 есім-сипаттары алтын әріптермен нақышталып жазылған. Мешіттің екінші қабаты холл үлгісінде жасалынып, онда үш бөлме бар. Мешіттің холл бөлігі әйелдердің намаз оқуына үшін арналған. Бір бөлме қонақтардың күту үшін және бір бөлме имамның бөлмесі. Мешіттің дәретханасы аулада орналасқан.

Print PDF