Шәууәл айындағы ораза

Шәууәл айы. Шәууәл «жоғарылату» деген мағынаға ие. «Шәууәл» – Рамазаннан кейін келетін айдың атауы. Шәууәл айының оразасын сол айдың ішінде кез-келген күні ұстауға болады. Оны қатарынан үзбей немесе күндерін үзіп-үзіп ұстауға да болады. Бірақ айт өтісімен кезекпен толықтай ұстау – абзал. Шәууәл айының алғашққы күндерінде Рамазан айты мерекесі бар. Бұл айда пайғамбарымыз (с.а.у.) алты күн ораза ұстаған. Хадисте: «Кімде кім Шәууәл айында 6 күн ораза ұстаса, жыл бойы ораза ұстағандай болады» деп айтылған. (Мүслим, Нәсәй, Тирмизи, Рамузул хадис, 2 т. 425 б.) «Рамазан айында ұстаған оразаға қосымша шәууәл айында алты күн тұтқан адамның оразасы үздiксiз оразамен бiрдей болады» (Муслим).