Twğırıñ biik bolsın, täuelsiz Qazaq eli!

Qwrmetti otandastar! Sizderdi Qazaqstan mwsılmandarı atınan egemen elimizdiñ 20 jıldıq mereytoyımen şın jürekten qwttıqtaymın. Süyikti Otanımız osı uaqıt aralığında qol jetkizgen jetistikterimen şektelip qalmay, odan äri damıp, örkeniet köşinen layıqtı ornın ala bergey!
Ekonomika alğa baspay, qoğamdı demokratiyalandıru mümkin emes. Mwnı jete tüsingen Nwrswltan Äbişwlı memlekettiñ negizin qalauda demokratiyalıq instituttardı damıtıp, halıqaralıq qauımdastıqtıñ beldi müşesine aynaldı, narıqtıq ekonomikanıñ qarıştap damuına oñ serpin berdi. Elbası tarapınan jasalğan naqtı wsınıstar men tıñ ideyalar qoldau tauıp, Euraziyalıq ıqpaldastıqqa, integraciyalıq baylanıstarğa tıñnan türen saldı. Alla tağalanıñ qoldauımen Wlt Köşbasşısınıñ saliqalı sayasatı men qajırlı eñbeginiñ nätijesinde bügingi zamanğa layıq qazaq memleketiniñ irgetası qalandı. Şejirege tolı 20 jılda el ekonomikası ayağınan twrıp, demografiyalıq jağday jaqsardı, bwrınğı keñestik respublikalar arasında alğaşqı orınğa taban tiredi.
Älemdik qauımdastıq aldında elimizdiñ abıroy-bedeli asqaqtap, ğalamda twraqtılıq pen kelisimniñ ornığuına özindik üles qostı.
Elbası Nwrswltan Äbişwlınıñ el basqarudağı eñ negizgi jetistigi – keñ baytaq qazaq jerin mekendegen türli dini konfessiyanı qwraytın san aluan wlt pen wlıstıñ basın bir arnağa toğıstırıp, tonnıñ işki bauınday ortaq maqsat pen müdde jolında toptastıra bildi. Olar qazaqstandıq ekenin maqtanış etedi. Nwrswltan Äbişwlın Elbası retinde beybitşilik pen kelisimniñ, är azamat öz qwqıqtarı saqtaluınıñ kepili dep tüsinedi.
Ärtürli dini senim közqarasındağılardıñ özara tüsinistigi men dostığı qanday da bir janjal men dürdarazdıqtıñ aldın aları anıq. Danagöy, ülken jürekti, imandı Wlt Köşbasşısı qısqa uaqıt aralığında mañızdı şeşimder qabıldap, tiimdi nätijelerge qol jetkizdi. Tarih üşin qas-qağım uaqıt aralığında köp şarua atqarıldı. Jahandıq qauipsizdik pen özara tüsinistikke dañğıl jol aşıldı.
Qazaqstan ekonomikası damığan, äleueti mıqtı memleket boludıñ sara jolın tañdadı. 20 jılda bwğan tiisinşe qol jetkizdik te. Eldi büginnen de kemel bolaşaqqa twñğış Prezidentimiz Nwrswltan Nazarbaev bastap baradı.
Alla tağala bizge jar bolıp, bastağan barlıq igi isterimiz oñınan kele bergey!
1991 jılı elimizde bar-joğı 68-aq meşit bolsa, qazir olardıñ sanı 2400-den astı. Astana, Almatı, Aqtau, Atırau, Aqtöbe, Oral, Qızılorda, Qarağandı, Taraz, Pavlodar, Petropavl, Sätbaev, Ekibastwz, Temirtau jäne Almatı qalaları men Almatı oblısında iri de zäulim meşitter aşılıp, halıqtı quanışqa böledi. Otanımızda Islam mamandarın dayındauğa köñil bölinude. Respublikamızda mwnımen 1 universitet, 1 institut, 10 medrese jüyeli türde şwğıldanuda. Astana, Kökşetau, Qostanay, Öskemen men Taldıqorğanda keler jılı bügingi zamanaui ülgidegi säuleti kelisken zäulim meşitter mwsılmandarğa öz esigin ayqara aşadı degen ümittemiz.
Elbasımız dinimizdiñ, halqımızdıñ, keñ baytaq qwt qonğan Otanımızdıñ qamqorı, tayanışı, süyenişi. Jaratuşı Iemiz elimizdi, Elbasımızdı, dinimizdi aman etip, bereke-birlikten, baq-däuletten ayırmasın. Äumin!

Şeyh Äbsattar qajı Derbisäli,
Qazaqstan mwsılmandarı dini basqarması men 
Orta Aziya müftiler keñesiniñ törağası, Bas müfti

Aqparat közi: http://www.islam-orkeniet.kz/?p=975

Podelit'sya v soc. setyah

Opublikovat
Opublikovat
Opublikovat
Opublikovat
Opublikovat

Pikir jazu