Jıl sayınğı qalıptasqan dästürge say, Qazaqstan mwsılmandarı dini basqarmasınıñ törağası, Bas müfti, şeyh Äbsattar qajı Derbisäli Almatıdağı «Nwr Mübarak» Egipet Islam mädeniet universiteti tülekterin jeke qabıldap, jer-jerdegi meşitter men medreselerge qızmetke böldi.
Universitet aşılğannan bastap, onda osı künge deyin tek islamtanu mamandığı boyınşa 262 adam bitirse, büginde olardıñ biri wstaz, biri imam. Al biılğı bitiruşilerdiñ sanı – 47.
HHİ ğasır – bilim men ğılımnıñ ğasırı. İlim şıñdap, magistrlik, doktorlıq ğılımi därejesin iemdenu – bügingi zaman talabı. Alqalı jiındar men kezdesulerde şäkirtterdi ilim üyrenuge den qoyıp, ğılımmen aynalısuğa ünemi ündep jüretin Dinbası oquın äri qaray jalğastırıp, magistraturağa tüskisi keletin tülekterge aq jol tilep, batasın berdi. «Imam bolu – sauaptı da, jauaptı qızmet. Alla tağala siz ben bizdi din qızmetkeri boludı qalağannan keyin osı jolda ayanbay ter töguimiz kerek. Eldi birlikke, bilim men izgilikke, imandılıqqa şaqıru – bizge jüktelgen zor mindet. Osı mindetti Alla men adamdardıñ aldında abıroymen atqarudı näsip etkey», – dedi Bas müfti.
Şeyh Äbsattar qajı Derbisäli bolaşaq imamdardı qazaq topırağınan şıqqan, Islamdı qabıldap qana qoymay, asıl dinimizdi bayıta tüsken babalarımızdıñ ruhani mwrasın zerttep, zerdelep, onı halıqqa nasihattauğa şaqırdı.
QMDB-nıñ baspasöz qızmeti
Surette QMDB saytınan alındı.
Print 
PDF
Pikirler