Намаз уақыттары қалта телефоныңызда

Қазіргі күні ұялы телефон  байланыс үшін таптырмас құрал. Екімыңыншы жылдары ұялы телефоны бар адамға таңданыспен қарайтынбыз. Дегенмен заман өзгере келе, телефоны жоқ жанға таңырқай қарайтын күйге жеттік.

Интернет дамыған сайын хабар алмасу жеңілдеп келеді. Мұсылманның күнделікті өміріндегі маңызды ісінің бірі ол намаз. Ал намаз уақытпен тығыз байланысты. Ақпараттың дамыған заманында намазхан бауырлар үшін жаңа мүмкіндік туды: iPhone және Android телефондарына арналған арнайы бағдарлама жасалды.

Бағдарламаны Құран.Кз (kuran.kz) сайтын жасаушылар жасады. Осы күндері діни сайттарды қарасаңыз намаз уақыттары деп ҚР көптеген қалаларының намаз уақыттары берілген виджеттерді көресіз. Аталмыш сайттарға арналған намаз уақттарын Намаз.Құран.Кз (namaz.kuran.kz) сайты жасаған болатын. Осы сайтқа кірсеңіз ішінде еліміздің облыс орталықтары мен ірі шаһарлардағы намаз уақыттары көрсетілген. Сайттағы намаз уақыттары Қазақстан мұсылмандары діни басқармасы бекіткен уақытпен көрсетіледі. Сайттан намаз уақыттарын көріп, өзіңізге айлық кестені жүктеп әрі блог немесе сайтыңызға кодтарын алып орнатуыңызға да болады.

Енді сайт жасаушылары намаз уақыттарын телефонға арнап жасап шықты. Бағдарлама қазақ, орыс және ағылшын тілдерінде жұмыс істейді. Аталмыш мүмкіндікті пайдалану үшін телефон арқылы айына бір рет интернетке қосылып тұру жеткілікті. Бұл  мұсылмандар үшін парыз болған бес уақыт намазын өз уақытында оқып тұру үшін жасалған ыңғайлы әрі пайдалы бағдарлама.

 Бағдарламаны жүктеу үшін namaz.kuran.kz/sajde/ сілтемесі арқылы кіресіз. Бағдарламаны аталмыш беттің төменгі жағында көрсетілген AppStore және Google play арқылы алуға болады.

Google play андройд телефондарға арналған. AppStore эйплге арналған. Игіліктеріңізге пайдаланыңыздар.

Ұлықбек Алиакбарұлы.

Print PDF