Büginde jastar arasındağı qılmıstıq isterdiñ köbeymese azaymay otırğanı jasırın emes. Ärine, mwnıñ türli sebepteri bar. Bwğan ata-ana, mektep nemese jürgen ortası kinäli dep bir ğana jaqqa artıp qoya saluğa bolmaydı. Tehnologiyanıñ damığan mına zamanda aqparat qwraldarınıñ da keri äseri şaş etekten ekeni barşamızğa mälim. Qoğamnıñ arasına jayğasıp alıp bar qwndılıqtarımızdı aqırın kemirip jatqan qwrttıñ kesiri tie bastağanına köp bolğan joq. Mwnıñ äsirese jas buındarğa ıqpalı iıqtap twr. Mine, jastarımızdıñ sanasın ulap, tärbiesin teristep jatqan osınau küşke qarsı şara qoldanu maqsatımen Tölebi audanınıñ bas imamı Qaldarov Berikpen, Aqqwm auılnıñ imamı Imanaliev Nwrjan Aqqwm auıldıq okrugine qarastı «Tınıbekov» orta mektebi men «Momınay» jalpı orta mektepterinde kezdesu wyımdastırdı. Kezdesuge wstazdar wjımı men joğarı sınıp oquşıları, auıl äkimi Oñğarov Asan da qatıstı. Kezdesude bilim, tärtip, äri kerağar ağımdardan saqtanu mäseleleri qozğaldı. Sonday-aq Islam dini adam ömirindegi kez kelgen mäselege wtımdı şeşim taba biletindigi, adamnıñ ruhani baylığı jaylı da tereñ äñgime örbidi. Auıl imamı Imanaliev Nwrjan da söz alıp, Islam jaylı keñirek mälimet berip ötti. Kezdesu soñında oquşılardıñ kökeyde jürgen swraqtarına jauap izdep, jastarğa jön siltey bildi. Osınday kezdesuler jii-jii wyımdastırılıp, Islam jaylı dwrıs közqaras qalıptasar bolsa, bolaşağımızdıñ jarqın boları sözsiz.
Tölebi audandıq «Nwr» meşiti
Print 
PDF
Pikirler