Ötken aptada Qazaqstan Joğarğı muftii Äbsatar qajı Derbisäli ağılşın tilinde jarıq körgen «Islam: beybitşilik jäne jasauşı din» attı jaña kitaptıñ twsauın kesu maqsatında Amerika Qwrama Ştattarına bardı. Bwl turalı bügin QR Sırtqı ister ministrliginde ötken brifingte QR SİM Baspasöz hatşısı İliyas Omarov mälimdedi.
Onıñ aytuınşa, twsaukeser ayasında Rumi atındağı Forumnıñ dinaralıq dialog jäne özara tüsinistik jönindegi Ortalıqta Äbsattar qajı Derbisäli qazaqstandıq sırtqı sayasi jäne ekonomikalıq bastamalarğa, dinaralıq dialog jäne qoğamdı biriktirudegi dinniñ röline basımdıq bere otırıp däris oqığan.
«Bedeldi zertteu ortalığı «Djeymstaun qorı» wyımdastırğan jäne onıñ prezidenti Hovard Glennıñ törağalığımen ötken «döñgelek üstelde» «Ortalıq Aziyadağı Islam» attı pikirtalasta amerikandıq tarap bizdiñ elimizdiñ Prezident Nwrswltan Nazarbaev basşılığımen bwl saladağı jetken jetistigimizge joğarı bağa berdi», - dedi SİM baspasöz hatşısı.
Onıñ atap ötuinşe, is-şara qatısuşıları Qazaqstan Respublikası öziniñ belsendi halıqaralıq qızmeti arqasında örkenietaralıq dialogtı nığaytuda konstruktivti mañızdı rölin jalğastıruda dep bir auızdan kelisken körinedi. Bwl orayda Qazaqstannıñ älemdik jäne dästürli dinder köşbasşılarınıñ S'ezin jinau turalı bastaması, QR IIW-dağı jäne EQIW-dağı törağalığı erekşe atalıp ötildi. Olardıñ barısında bizdiñ elimiz Batıs pen Şığıs arasındağı jäne Islam älemi men Batıs arasındağı özindik «köpir» retindegi mañızdılığın däleldedi.
«Äbsattar qajı Derbisälimen kezdesu qorıtındısı boyınşa AQŞ sayasi-qoğamdıq toptarınıñ ökilderi Qazaqstan tarapınan dinaralıq jäne konfessiyaaralıq kelisimge qol jetkizu üşin barlıq qajetti şaralar qabıldanıp jatqanına, al din qoğamdağı sayasi twraqtılıqtı saqtauda mañızdı röl atqaratınına közderi jetti», - dep atap ötti İ. Omarov. QazAqparat.
