Otandıq tarih Islammen baylanısın eşqaşan üzgen emes - Bas müfti

QMDB-nıñ törağası, Bas müfti, şeyh Äbsattar qajı Derbisäli haziret bastağan qonaqtar Qarağandı qalasına keldi. QMDB mälimetine qarağanda, oblıs äkimi Äbilğazı Qwsayınovtıñ jeke qabıldauında bolğan dinbası äkimdik ğimaratında oblıs basşısınıñ wyımdastıruımen qala jäne audan äkimderi, oblıstıq qwqıq qorğau organdarınıñ jetekşileri men öñirge qarastı bas imamdardıñ bas qosuımen ötkizilgen jiınğa qatıstı.

Öz kezeginde jiında dinbası el halqınıñ 70 payızı wstanatın Islam dininiñ ruhani etikalıq talap-erejeleri men adaldıq, ädildik turasındağı twstarına toqtaldı. Asıl dinimizdi ardaqtay otırıp, maqsattas, müddeles Otandastarımızdı alda twrğan izgi de asqaralı mindetterdi jüzege asırudı közdegen ıntımaq pen birlikke ündedi. Radikaldıq, ekstremistik bağıttağı jatjerlik Islam atın jamılğan äldekimderdiñ jımısqı tapsırmasımen mwsılman jwrtşılığınıñ arasına jik salğısı keletin adasqan bauırlarımızdı bölinbeuge, Otan, el, din mwratı jolında birlese qızmet etuge şaqırdı.

«Qazir dindi öz paydasına qaray bwrmalap, nanım-tanımdardı şatastıruşılar köptep kezdesedi. Biz köterip otırğan kökeykesti mäsele körşiles elderde de küntärtibinde twr. Biz öz jerimizdiñ tınıs tirşiligimen susındağan otandıq medreseler men joğarğı oqu orındarın aşıp dini mamandardı köptep tartumen atalğan kemşilikterdi toqtata alamız. Ärine, bwğan sabır men uaqıt kerek. Otandıq tarih Islammen baylanısın eşqaşan üzgen emes, tipti Islam dästürlerinsiz qazaq mädenietin elestete almaymız. Sol sebepti är kezde Islam bizdiñ ruhani damuımızdıñ negizgi wyıtqısı bolıp keldi jäne de solay bola bermek», - dep tüyindedi sözin Bas müfti. QazAqparat.

Äleumettik jelilerde bölisu

Opublikovat
Opublikovat
Opublikovat
Opublikovat
Opublikovat


Pikir jazu

Sizdiñ e-mail basqalarğa körinbeydi. Qwpiya saqtaladı.

*
*


7 + = 9