Keşe Oñtüstik Qazaqstan oblısınıñ aumağında AN-72 wşağınıñ apatqa wşırap, 27 azamattıñ qaza tabuına baylanıstı öñirde kez kelgen sipattağı merekelik şaralardı ötkizuge tıyım salındı, dep habarlaydı bnews.kz. Oblıs äkimi Asqar Mırzahmetovtıñ şeşimimen oblıstağı barlıq memlekettik mekemelerde, wyımdarda kez kelgen sipattağı merekelik şaralar ötkizilmeytin boldı. Äkim qayğılı oqiğağa baylanıstı jaña jılğa qatıstı ötkiziletin kez kelgen is-şaranı toylamaudı tapsırdı. «Bwl tapsırma tikeley memlekettik mekemeler men wyımdarğa qatıstı bolğanımen, jekemenşik mekemelerdiñ de mwnday şaralardan bas tartqanı abzal. El tınıştığın küzetip jürgen azamattardıñ mert boluı barşamızdıñ ortaq qayğımız. Sondıqtan, azamattar äkimniñ bwl şeşimine tüsinistikpen qaraytın bolar, degen ümittemiz», - dedi oblıs äkimi apparatı basşısınıñ orınbasarı, baspasöz hatşısı Berik Uäli.
kaztrk.kz
