Jalpı elimizde azamattardıñ memleketke, qoğamğa siñirgen eñbegin däripteudiñ türleri köp. Solardıñ biri «qwrmetti azamat» atağı. Bwl märtebege qoğamdıq ömirdiñ salaların damıtuğa erekşe eñbegin siñirgen azamattar ğana ie bola aladı. Ärine, ol üşin eliniñ, tuğan jeriniñ igiligi jolında qaltqısız eñbek etui kerek. Eñbek etip qana qoymay, aynalasına sıylı, keyingi wrpaqqa ülgi-önege bolatın azamat ta boluı qajet.
Qoş delik. Sonımen 28-jeltoqsan qasietti jwma küni QMDB-nıñ nayb müftii, «Nwr Astana» ortalıq meşitiniñ Bas imamı Zañqoev Qalijan Bayırbekwlına elimizde beybitşilik pen dostıqtı, wltaralıq kelisim men tatulıqtı nığaytuğa, azamattar men jastardı qazaqstandıq patriotizm ruhında tärbieleuge qosqan ülesi men erekşe jetistikteri üşin Oñtüstik Qazaqstan oblısı, Tülkibas audanınıñ äkimşiligi Qazaqstan Respublikasınıñ Zañnamasına säykes «Tülkibas audanınıñ qwrmetti azamatı» atağın berdi. Bwl marapattı tabıstau üşin OQO, Tülkibas audanınıñ mäslihat deputatı Meñlibekov Aytbek Narınbaywlı arnayı kelgen bolatın. A.Meñlibekov Bas imam Qalijan qajı Bayırbekwlın audan äkimdiginiñ atınan qwttıqtay kele «…Jıraqta jürseñiz de tuğan eliñizdi bir sätke de wmıtpay, onıñ jetistikterine quanıp, kem-ketigine qamığıp, tileules bolıp jürsiz. Elimizdegi imandılıq salasına ayanbay eñbek etip kelesiz. Sizdi audan halqı maqtan twtadı, joğarı bağalaydı. «Atanıñ wlı bolma, halıqtıñ wlı bol» demey me dana halqımız. Sizdiñ eñbegiñiz ben jetistikteriñizdi tuğan eliñiz orındı bağalaydı. Osığan oray, audandıq mäslihat şeşimimen Sizge «Tülkibas audanınıñ Qwrmetti azamatı» atağı berildi. Audandıq mäslihat deputatı retinde audan halqı atınan qwrmetti ataq kuäligi men tös belgisin tapsıruğa rwqsat etiñizder» dep jürek jardı lebizderin bildirip, meşitte barşa jamağat aldında Tülkibas audanınıñ qwrmetti azamatı» atağın tabıs etti.
Ayta keteyik, Zañqoev Qalijan Bayırbekwlı 1977 jılı Oñtüstik Qazaqstan oblısı, Tülkibas audanında düniege kelgen. Özbekstan Respublikasınıñ Andijan qalasında dini medresede tereñ bilim alğan. 1998-2000 jıldarı aralığında Tülkibas audanı men Şımkent qalasında nayb imam qızmetin atqarğan. 2005-2008 jıldarı arasında Evraziya Wlttıq universitetiniñ «Filologiya» fakul'tetin tamamdağan. 2000-2002 jıldarı Almatı qalasındağı ortalıq meşittiñ birinşi nayb imamı bolğan. 2002 jıldıñ tamız ayınan bastap, Astana qalasınıñ Bas imamı bolıp qızmet atqarıp keledi. 2004 jıldıñ qırküyek ayınan bastap, qosımşa Qazaqstan mwsılmandarı dini basqaramasınıñ nayb müftii bolıp qızmet atqaruda.
2007 jılı şilde ayında Elbasınıñ qoldauımen «Nwr Astana» ortalıq meşitiniñ janınan «Astana» medresesi aşılğan bolatın. Sol künnen bastap, Qalijan qajı Bayırbekwlı Elordada resmi türde aşılğan twñğış medreseniñ direktorı bolıp tağayındaldı.
Sonday-aq, Älemdik jäne dästürli dinder Basşıları s'ezi hatşılığınıñ ökili, Qazaqstan halıqtarı Kişi Assambleyası keñesiniñ müşesi, QMDB-nıñ töralqa müşesi. 2003 jıldıñ qazan ayında Älem dinderi s'ezin wyımdastıruğa järdemdeskeni üşin QR Prezidenti Äkimşiliginiñ alğıs hatımen, 2005 jılı QR Prezidenti Jarlığımen «Qazaqstan Konstituciyasına 10-jıl» medalimen, 2008 jılı şilde ayında QR jäne onıñ Astanasınıñ damuı men qalıptasuına eleuli üles qosqanı üşin QR Prezidenti Jarlığımen «10-jıl Astana» medalimen, 2008 jıldıñ 5 jeltoqsanında QR Prezidentiniñ № 4913 jarlığı boyınşa «Şapağat» medalimen marapattaldı. 2010 jılı 1-2 jeltoqsanda Astana qalasındağı VII Evropadağı Qauipsizdik jäne Intımaqtastıq wyımınıñ Sammitin dayındauğa jäne ötkizuge belsendi qatısqanı üşin QR Prezidentiniñ alğıs hatı berildi. 2011 jılı «QR Täuelsizdigine 20 jıl» merekelik medalimen marapattaldı.
Iä, bwl ataqtı beru kezinde azamattıñ qayratkerligi eskerileri sözsiz. Azamattıñ qayratkerligi degen – qoğamnıñ qandayda bir salasında iskerlik tanıtıp, ayanbay eñbegin siñirui.
Barlıq madaq pen maqtau bir Alla ğana tän. Desek te, jaqsınıñ jaqsılığın ayt nwrı tasısın degen söz bar. Mine, eldegi dini ahualdıñ qalıptasuına erekşe eñbegin siñirip, ruhaniyat salasında zor jetistikterge jetken, halıqtıñ arasında abıroyı asqaq, pikiri tüzu Qalijan Bayırbekwlınıñ bwl jetistigi barşa din qızmetkerleriniñ mereyin asırıp, abıroyın tasıtadı dep bilemiz. Qızmettiñ tabıstı, eñbektiñ eskerilgeni şabıt üstine şabıt qosarı tağı bar. Bwl asıl dinimizge körsetilgen qırmet dep bilemiz. Endeşe, Alla tağala ärdayım mereyiñizdi üstem etip, asıl dinimizdiñ jolında atqarıp jatqan isteriñizge jar bolsın dep meşit wjımınıñ atınan tilek bildiremiz.
«Nwr Astana» ortalıq
meşitiniñ baspasöz qızmeti
