Dästürli dinniñ qamqorşısı («Qazaqstan-2050» strategiyasına qoldau bildiru)

«Qazaqstan-2050» strategiyasına qoldau bildiru

 Dästürli dinniñ qamqorşısı

Bügingi tañda elde jürgizilip jatqan memlekettik sayasattıñ tolıqqandı jüzege asuı – işki jäne sırtqı sayasi twraqtılığımızdıñ kepili. Al, mwnı nasihattau jağı qaşan da bastı mäselelerdiñ biri retinde qaralğanı jön. Öytkeni, bügingi jetistikke qalay jetkenimizdi, kezinde qanday asu bermes ötkelderden ötkendigimiz öskeleñ wrpaq tüsine bermeui mümkin.

El Prezidenti N.Nazarbaevtıñ «Qazazstan-2050» strategiyası – qalıptasqan memlekettiñ jaña sayasi bağıtı» attı Qazaqstan halqına Joldauında elimizdegi mwsılmandardı tolğandırğan köptegen mäselelerge naqtı jauap beredi. «Biz mwsılmanbız, Äbu Hanifa mazhabın wstanatın sünnittermiz. Babalarımız wstanğan bwl jol salt-dästürdi, ata-ananı sıylauğa negizdelgen. Endeşe, bügingi wrpaq ta älemdegi eñ izgi din – Islam dinin qadirley otırıp, ata dästürin ardaqtağanı abzal», - dedi Elbası. Bwl din men dästurdiñ sabaqtastığın tereñ tüsinbey, wlttıq qwndılıqtarımızdı joqqa şığarğısı kelip jürgenderge layıqtı jauap dep oylaymın.

Biz köpwlttı, köpdindi qoğamda ömir sürip otırmız bireulerge ärine, bwl wnamauı da mümkin «Bizge köpwlttıqtıñ köptigi qanşa, köpdindi boludıñ artıqşılığı nede, nege wlttıq memleket bolmaymız?» dep kisıñsız äñgime aytatındar da bar. Qisınsız deuimizdiñ sebebi, köpwlttılıq pen konfessiyalıq äraluandıq tarihi tağdır qalıptastırğan jağday. Sondıqtan mwnday mäselelerge jan-jaqtı bayıptılıqpen qarauımız kerek-aq.

Din jäne memleket qayratkeri Bas müfti Äbsattar qajı Derbisäli hazret: «Islam öz izbasarların wltqa, näsilge, tiline qarap bölip alalap, jiktemeydi. Qayta birlikke, ıntımaqqa şaqıradı. Olay bolsa, biz – Qazaqstan halqı, mwsılman bolsın, mwsılman emesi bolsın, dostıq, özara tüsinistik jağdayda sıylastıqpen ömir süruimiz kerek.» degen bolatın.  Meşitterdegi uağızdarda da halıqtardıñ birligi men ıntımağına ülken män beriledi. Öytkeni ıntmağı men birligi küşti el ğana qanday qiındıqtı bolsa da jeñedi. Allağa şükir, ötpeli kezeñniñ qiınşılıqtarı artta qaluda. El ekonomikası ayağınan twrıp keledi. Halıqtıñ twrmıs jağdayı men äl-auqatı da birtindep jaqsarıp  kele jatqanın körip otırmız jäne oğan şın jürekten quanamız.

Elde irili-wsaqtı is-şaralardıñ köptik ötkizilui dästurli dinimizdiñ elimizdiñ damuına keñinen jol aşuda. Älemdik jäne dästürli dinder köş basşıları s'ezderiniñ Qazaqstanda tört ret qatarınan ötkizilui elimizde şet memleketterge tanıtıp qana qoymay, dinimizdiñ qoğamdağı ornında ayqındadı. Bwl Elbasınıñ jürgizip otırğan köregendi sayasatınıñ jemisi. Bizdiñ zayırlı qoğamda wlttıq nemese dini qwndılıqtarımız maqtalmay otır dep eşkimge ayta almasa kerek. «Sabaqtı ine sätimen» degendey, bwl mäseleler de uaqıt  ötken sayın jergilikti twrğındar arasında mañızın arttırıp keledi. Özge mäselelerdi bılay qoyğanda, din salasındağı jetistikterimiz,  Allağa, şükir jeterliktey. Täuelsizdikke ie bolğan twstağı din mäselesimen qazirgi küngi jürgizilip jatqan dini jwmıstar eş salıstıruğa kelmeydi.

Elbası Nwrswltan Nazarbaev: «Alla – haq, Payğambarımız Mwhammed (s.ğ.s), qasietti kitabımız - Qwran bolğanımen, älem sünnitteri tört mazhabqa bölinetinin biletin bolarsızdar. Biz köptegen türki halıqtarı siyaqtı Hanafi mazhabına jatamız. Mwnıñ özge mazhabtardan artıqşılığı – Islam qağidalarına qayşı kelmeytin ata-babalarımızdıñ dästür-salttarınıñ da keñinen qoldanuında. Mine, sol sebepti hanafitter jer jüzinde eñ köp tarağan mazhab bolıp esepteledi. Meniñ mwnıñ bärin aytıp otırğanım: din wstaranıñ jüzindey ötkir närse. Mwnda jaza basıp,  jañılısuğa bolmaydı. Meniki dwrıs «nemese men bilemdik» emes tüsinistik, birlik qajet. Bwl bizdiñ ortaq maqsatımız» degen bolatın.

Elbasınıñ qoldauımen elimizdiñ on aymağında 11 medrese aşıldı. Onıñ ekeui bizdiñ obılısta ornalasqan. Sonımen qatar, Almatıdağı «Nwr-Mübarak» Egipet Islam mädenieti universiteti aşılıp, dini bilim berude. Onda elimizdiñ meşitterine qajetti kadrlar dayarlanuda.

Sonday-aq,  Şımkent qalasındağı Şımkent-Türkistan tas jolı boyında oblıstık ortalıq meşittiñ qwrılısı bituge tayap qaldı. Ol Orta Aziya elderinde kezdespeytin, teñdessiz säulet nısanı sanaladı. Meşittiñ siımdılığı 5 bes mıñ jamağatqa arnalğan. Zamanaui talaptarğa say keletin alıp ğibadat ornı bolmaq. Alla tağala qalasa, aldağı jılı aşıluı josparlanıp otır. Mwnıñ barlığı Elbası N.Ä.Nazarbaevtıñ tikeley sebepker boluımen kolğa alınğan igi ister.

Biıl aqpan ayınan bastap obılıs äkimi A.Mırzahmetovtıñ tikeley bastamasımen «Şımkent» medresesiniñ oqu bazasında oblısımızdıñ barlıq imamdarınıñ dini biliktiligin arttıruğa arnalğan bir aylıq kurstar wyımdastırıldı. Jıl soñına deyin altı jüzden astam meşit imamdarın oqıtıp şığaru közdelude. Olardıñ jatın jayı bar. Kündelikti üş mezgil as-suı tegin beriledi. Oqu procesterine bilikti wstazdardan bölek, memlekettik jäne qwqıq qorğau organdarınıñ qızmetkerleri, professor oqıtuşılar, t.b. tartılğan.

Jalpı, halıqtıñ dinge bet bwruı äri elimizde  beybitşilikpen twraqtılıqtıñ ornauı Twñğış Prezident N.Ä.Nazarbaevtıñ jürgizip otırğan saliqalı häm köregen sayasatınıñ jemisi dep tüsingen jön.

Qazaqstan mwsılmandarı dini basqarmasınıñ OQO baspasöz qızmeti