Astanada Payğambardıñ (s.ğ.s) tuğan künine arnalğan «Qoş keldiñ, Mäulit!» ruhani keşi ötti

Naurızdıi 11 jwldızında Astanadağı Kongress-Holl sarayında Mwhammed Payğambardıñ (s.ğ.s) tuğan künine arnalğan «Qoş keldiñ, Mäulit!» ruhani keşi ötti.
Astana qalası äkimdiginiñ qoldauımen, «Nwr Astana» ortalıq meşitiniñ wyımdastıruımen ötken keştiñ maqsatı mwsılman jwrtşılığınıñ basın qosıp, tañdaulı twlğanıñ tağılımğa tolı ömirbayanı men ösietterin jan-jaqtı nasihattau jäne oğan degen ümbettiñ süyispenşiligin oyatu boldı.
Keştiñ bismilläsi mwsılmandıq täpsimizge say ruhani tiregimiz, bağıt-bağdarımız ben altın qazınamız sanalatın Qasietti Qwrandı oqudan bastaldı. Odan keyin Qazaqstan Mwsılmandarı dini basqarmasınıñ naib müftii, «Nwr Astana» ortalıq meşitiniñ bas imamı Qalijan Zañqoev keşke jinalğan köpşilikke arnap öz lebizin bildirdi. Q.Zañqoev, Mäulit keşiniñ maqsatı Payğambardıñ (s.ğ.s.) tuğan künin toylau emes, jüreginde imanı bar mwsılmanğa onıñ jürip ötken ömirin üyretu, onıñ igi isterin boyğa siñiru ekendigin atap körsetti. «Kimde-kim Mäulit oqılatın jerge qadam basıp baratın bolsa, ol jännattıñ baqşalarınıñ birine qadam basqanday boladı», - dedi ol.
Sahna törinde sonday-aq, payğambardıñ dünieden ozğan 63 jasına teñ Astana medresesiniñ 63 şäkirti Mäulit salauatın oqıdı. Ilähi än-jırlar keñinen şırqaldı. Öziniñ Mäulitke arnauın aytısker aqın Balğınbek Imaşev ta jetkizdi. Mwhammed Payğambardıñ özin Allahtıñ elşisi ekendigin moyındatu jolında körgen qiyameti jayında, ömiriniñ soñına deyin onıñ qamqorşısı bolğan äkesiniñ bauırı Äbu Tälip turalı bayan etetin körinis sahnalandı.
Odan keyin, Q.Zañqoev pen S.Seyfullin atındağı Qazaq agrotehnikalıq universitetiniñ rektorı Aytbay Bwlaşev universitet qabırğasında Payğambar (s.ğ.s.) jaylı şığarma jazudan ötken bayqaudıñ üş jeñimpazın marapattadı.
Keluşiler nazarına sonımen birge, 2010 jılı qwrılıp, bir jıldıñ işinde qıruar igi şarualardı atqarıp ülgergen «Meyirimdilik jolı» qoğamdıq qorı turalı beynerolik wsınıldı. Qoğamdıq qor büginde Astana men qala sırtındağı eldi mekenderde twratın, köptiñ köşine ilesuge jağdayları joq otbasılar men azamattarğa kömek qolın sozıp otır. Qor Ramazan ayında jamağatqa arnap auızaşarlar berip, Qwrban ayt merekesinde äleumettik älsiz jandarğa azıq-tüliktermen birge qwrbandıq etterin ülestirdi. Qoğamdıq qor Qasietti merekede Moñğoliyada da qwrbandıq şalıp, ondağı qandastarımızdıñ köñilderin bir marqaytıp qayttı. Sonımen birge, Afrika elinde auız sudan tarşılıq körip, ayıqpas keselderge duşar bolıp jatqan halıqqa bükil Qazaq jwrtınıñ atınan qwdıq qazuğa qarajat böldi.
İs-şara mwsılman jwrtında dini sauattılıqtı arttıruğa negizdelgendikten, «Sünnetke beriksiñ be?» swraq-jauap oyını da ötkizildi. Jüzden jüyrik suırılıp şıqqan üşinşi-törtinşi sınıptıñ oquşıları men jas örender qoyılğan swraqtarğa müdirmey jauap berdi.
Al saraydıñ foyesinde «Meyirimdilik jolı» qayırımdılıq qorınıñ körme-järmeñkesi ötti.
Eske salayıq, Mäulit än-Näbi Payğambardıñ (s.ğ.s.) tuılğan künin qasietti mereke retinde atap ötu ürdisi islam äleminde hijri IV-V ğasırlardan bastaladı. Islam ğwlamaları bwl jaylı köptegen qwndı eñbekter jazıp, Mäulittiñ dinimizdegi ornın anıqtauğa tırısqan. Qazirgi tañda bwl meyramdı bir-eki memleketten özge barlıq islam älemi erekşe merekeleydi.
Mäulit - arab sözi, qazaq tilinde «tuğan kün» degen mağına beredi. Bwl Alla tağalanıñ eñ süyikti pendesi, Adam atadan (ğ.s.) bastalğan payğambarlardıñ soñğısı, äri sardarı hazreti Mwhammedtiñ (s.ğ.s.) düniege kelgen ayına atau etip qoyılğan söz. Qasietti Qwran Kärimde Alla tağala «Ahzab» süresiniñ 56-ayatında: «Payğambarğa (s.ğ.s.) Alla rahımın tögip, perişteler jarılqau tileydi. Ey, müminder! Payğambarğa (s.ğ.s.) sender de salauat aytıp, sälem joldañdar», - degen.
Sondıqtan da är jılı ay tizbesiniñ rabiğul-äuuäl ayında äz Payğambarımızdıñ mäulitin merekelep, Alla tağala bizdi öziniñ süyikti payğambarı hazreti Mwhammedtiñ (s.ğ.s.) ümmeti etip jaratqanına alğısımızdı bildirip, süyikti habibine jamağat bolıp salauattar aytamız.
Derekköz: QazAqparat

Äleumettik jelilerde bölisu

Opublikovat
Opublikovat
Opublikovat
Opublikovat
Opublikovat

Maqaladağı pikirlerge RSS arqılı jazılu
  1. Assallyamualeykum uarahmatullahi uabarakatuh. biıl Mäulit ayı ka» kunge säykes keledi biluge bolama…

Pikir jazu

Sizdiñ e-mail basqalarğa körinbeydi. Qwpiya saqtaladı.

*
*


9 + = 14