Arıs audanı: Oraza ayt merekesi qwttı bolsın! - merekelik şara ötkizildi

Mwsılman jwrtşılığı oraza wstap, tarauih namazın oqıp,  qasietti Ramazan ayı da ayaqtalıp, artınşa Ayt merekesi kelgende dünie men aqırettiñ ğajap qwndılıqtarın sezinip, erekşe rahatqa keneldik. Payğambarımız (s.a.u.) Mekkeden Mädinağa köşip kelgende, jergilikti halıqtıñ meyramdap köñil köterip jatqanın körip: «Bwl qanday mereke?», – dep swrağanda, olardan: «Bwl bizdiñ Islamğa deyin toylap kele jatqan merekelerimiz,» – degen jauap estidi. Sonda Rasulalla (s.ğ.s..): «Alla sizderge bwdan da wlıq eki meyram berdi. Olar Ramazan jäne Qwrban ayttarı», – dep osı islami meyramdardıñ märtebeli ekendigin bildirgen.  Mine sol wlıq merekeniñ biri oraza ayt merekesine oray, üstimizdegi jılı respublika boyınşa twñğış ret OQO Arıs qalasında, ortalıq meşittiñ wyımdastıruımen, qalai äkimşiliginiñ  qoldauımen, mädeni merekelik is – şara Äl-Farabi alañında keñ kölemde atalıp ötti. Oraza ayt merekege  jinalğan köpşiliktiñ köñili köteriñki, öytkeni bwl mwsılmandardıñ wlıq merekesi. Merekege oray,  büldirşinder oyın batuttarında tegin oynap quanışqa, tausılmas  şattıqqa bölense, twrmısı tömen otbasılarğa wn, makaron jäne basqa da azıq-tülikter tegin tarqatıldı.

Sonday-aq merekelik keşte jasöspirimder arasında sporttıq jarıstar wyımdastırıldı. Naqtıraq aytsaq, küres, arqan tartıs, kir tasın köteru oyındarı. Merekelik şarağa  qala äkiminiñ orınbasarı jäne audannıñ bas imamı, qala meşitteriniñ imamdarı,  el ağaları, aq jaulıqtı analarımızben büldirşinder keldi.

Merekelik şaranı qala äkiminiñ orınbasarı Baqtığali Dildäbekov pen audanımızdıñ bas imamı Abdulkamal Abdulkarim aşıp bergennen soñ, belgili aytısker  Nwrlan Keldibekwlı wlıq merekege degen arnauın şırqadı. Mwnan soñ, wlttıq kiimdegi qazaqtıñ aru qızdarı ayttıq şaşu şaşıp, jinalğan jwrtşılıqqa Şımkent qalasınan arnayı kelgen «Asıl mwra» QB  kocerttik bağdarlamasımen jalğastırdı. Olar Oraza ayt meyramında – jinalğan qauımnıñ köñiline köktem sıylap, jandarın  jadırata  tüsti. Sonday-aq,  wlıq merekege qatıstı jäne islamnıñ asıl qwndılıqtarı jöninde körermendermen swraq jauap oyındarı da ötkizildi. Dwrıs jauabın tapqan jandarğa bağalı sıylıqtar tabıs etildi.

Merekelik jiında sonımen qatar, ortalıq meşit tarapınan kiiz üy tigilip, ayttıq dastarhan jayılıp, kelegen qonaqtar aq dastarhannan däm tatqızdı. oraza ayt merekesin twñğış ret  Arıs halqına wyımdastırğan audannıñ bas imamı Abdulkamal Abdulkarimge körermender öz alğıstarın bildirip, respublika boyınşa twñğış ret wyımdastırılğan bwl oraza ayt merekesi aldağı uaqıttarda dästürli merekege wlassa degen  öz tilekterin bildirip jattı.

Keş soñına qaray sportttıq oyın, jarıstardıñ jeñimpazdarına alğıs hattar men aqşalay sıylıqtar tabıs etildi. Mwnday ruhani keşter men jiındardı wyımdastıru – merekeni atap ötudiñ jäne onı halıq boyına siñirudiñ  negizgi maqsatı men asıl mwratı ekenin wmıtpağanımız jön. Osılayşa «Ayt qwttı bolsın!» dep, aq tüyeniñ qarını jarılar, wlan asır toy jasaldı. Endeşe, Alla tağala halqımızdı osınday quanıştan ayırmay, däyim ayttan aytqa aman esen jetkizip, wltımızdıñ mereyi tasıp, birligi men tirligi arta bersin dep tileymiz!

Arıs qalası Ortalıq meşitiniñ baspasöz qızmeti.

20.08.2021 jıl

Äleumettik jelilerde bölisu

Opublikovat
Opublikovat
Opublikovat
Opublikovat
Opublikovat

Maqaladağı pikirlerge RSS arqılı jazılu
  1. «Asıl mwra» öner ortalığına Arıs kalası ıstık ıkılasın bildiredi. Jaratqan jasağan igi isteriñizge nwrın töksin.»Asıl mwra» öner ortalığın qoğamdıq birlestik dep jazıp qoyıpsızdar, yağni QB dep. Sauattı jazılsa deymiz. Rahmet…

  2. Alla razı bolsın Äbeke! Igi bastamñız halıq köñilinen şığıp, Arıstıq ağayındardı bir quantıp, köpşiliktiñ alğısına bölendiñiz.Allah tağala deniñizge saulıq, otbasıñızğa amandıq pen baqıttı ğwmır näsip etsin! Ortalıq meşit qızmetkerlerine mıñ alğıs.

Pikir jazu

Sizdiñ e-mail basqalarğa körinbeydi. Qwpiya saqtaladı.

*
*


2 + 8 =