Bügingi tañda jas balalardı meşitke äkelip otırğızu dästüri qayta jañğırtılıp, mıqtap qolğa alınuda. Mwnday şara üstimizdegi aydıñ 5- küni Tölebi audandıq «Nwr» meşitinde wyımdastarılıp, 8 jas büldirşin sünnetteldi. Oblıstan şaqırılğan medicina mamandarı audan imamınıñ wsınısın qabıldap öz ülesterin qostı. Däl osı igi bastamanı aldağı jılda josparlı türde ötkizudi közdep otırğan meşit basşılığı, bir künde 50-100 balağa deyin sünnetteudi qolğa almaq.
Islam dininde sündettelu öte ülken mänge ie. Öytkeni ol ümbeti retinde Mwhammed payğambarımızdıñ (s.a.u. ) isin qaytalauğa, yağni sünnet amalın jasauğa jatadı. Dälel Äbu Hwrayra jetkizgen Payğambarımızdıñ hadisi. Hadiste adam jaratılısınıñ tabiği qajettiligi retinde mına bes närse: sündetke otıru, mwrttı basu, qoltıq pen wyattı jerdi tükten taza wstau, tırnaq qısqartu atalğan.
2000 jılğı bayandamasında Amerikanıñ medicinalıq assocaciyası (American Medical Association AMA) sündetteudiñ nesep quıq joldarın sirek kezdesetin qaterli, jwqpalı aurulardan, infekciyadan qorğaytındığın mälimdedi.
Amerikanıñ akuşer jäne ginekologiya akademiyası da (American Academy of Obstetricians and Gynecologists ACOG) Pediatrlıq akademiya men medicinalıq assocaciyanıñ mälimdemelerin maqwldap, sündetteuge eskişildiktiñ sarqınşağı retinde qarauğa eşqanday da medicinalıq negiz joq ekenin jariyaladı.
Keselden qorğauşı
Köptegen medicinalıq zertteu jwmıstarı sündetteudiñ mınanday paydaları bar ekenin däleldedi:
• Sündettelmegenderge qarağanda, sündettelgen erler jınıstıq qaterli isikke (rak) anağwrlım az şaldığadı;
• Eri sündettelmegen äyelderde jatır moyınşağınıñ qaterli isikke şaldığu qaupi altı ese joğarı;
• Jınıstıq jwqpalı aurulardı jwqtıru qaupi sündettelmegenderde segiz ese joğarı; zertteuşi ğalımdar bwğan qızıqtı dälelder keltirgen.
Aytalıq, balalardıñ nebäri on nemese otız payızı sündetteletin Keniya, Zambiya siyaqtı elderde jınıstıq jwqpalı auruğa şaldıqqandar jergilikti twrğındardıñ törtten bir böligin qwrağan. Al Benin jäne Kamerun sekildi şamamen är bala sündetteletin Afrika elderinde jwqpalı aurularğa şaldıqqandar twtas alğanda altı aq payızdan aspağan. Avstriyalıq zertteuşi ğalımdar tipten ülken jañalıq aştı. Olar «SPID ke şaldıqqan er kisilerdiñ basım köpşiliginiñ sündettelmegender» ekendigin däleldedi. Öytkeni SPID virusı eñ äueli jınıs müşesiniñ wş qabatın zaqımdaytın körinedi. Eger ol tws mikrozaqım alsa, qabınu qaupi öte tez jüriledi eken.
• Seksopatologtar da sündetteludiñ qajettiligin moyındauda;
• Gigienalıq twrğıdan bakteriyalogiyalıq, stafilokk (iriñdi mikrob), gonorey (jınıstıq jiñişke auruı) mikrobtarınan taza bolu twrğısınan sündet jasatu asa kerekti. Oğan qosa, smegmalardıñ (qorğauşı aq tüyirşekter) qabınıp, jarağa aynalmauında ülken röl oynaydı.
• Sündet fimoz (jınıs ürpisiniñ jiırılıp aşılmay qaluı), parafimoz, balanit, balanopostit keselderiniñ aldın aladı.
Audandıq «Nwr» meşiti
Pikirler