Şının aytu kerek, qazirgi kezde el arasında qılmıstıq oqiğalardıñ dendep bara jatqanı jasırın emes. Äsirese, jastar arasındağı qandı oqiğalar men kisi ölimi qattı alañdatadı. Mwnday keleñsizdikterdiñ aldın almasa wrpağımızdıñ azğındap, auızdaqtau qiınğa soğuı mümkin. Sonımen qatar jastarımızdıñ jat ağımdardıñ jetegine erip, op-oñay qarmaqqa iligip jatqanı qanşama.
«Bir jılıñdı oylasañ, küriş ek, on jılıñdı oylasañ, ağaş ek, jüz jılıñdı oylasañ, wrpaq tärbiele» deydi halıq danalığı. Sondıqtan wrpaq tärbiesi qaşanda özektiligin joyğan emes. Mine, osınday özekti mäseleniñ mäni men mañızın tüsingen Tölebi audandıq işki sayasat bölimi men «Samwrıq» innovaciyalıq ideyalardı damıtu ortalığı» birigip «Qoğam küşteri – dini ekstremizmniñ aldın alu» taqırıbında qırküyek ayınıñ 13- jwldızı küni Birinşi Mamır auılı men Zertas auılındağı mektepterde jastarmen kezdesu wyımdastırdı.
Kezdesuge mektep direktorı men mwğalimderi jäne joğarğı sınıp oquşıları qatıstı.
«Samwrıq» innovaciyalıq ideyalardı damıtu ortalığı» janındağı Qızılorda oblısı boyınşa Dini-psihologiyalıq, qwqıqtıq keñes beru ortalığınıñ jetekşisi T. Äbuovtıñ «Jastar jäne dini ekstremizmniñ aldın alu» taqırıbındağı bayandaması oqılıp, qazirgi tañdağı jastar arasındağı dini ekstremizmniñ aldın aludıñ mañızdılığına keñinen toqtaldı. Sonımen qatar Tölebi audanınıñ bas imamı Berik Jaqıpbekwlı «Din jäne wlttıq tärbie» taqırıbında äñgime örbitip, jastarğa oy tastadı.
Audandıq işki sayasat böliminiñ mamanı D Jünisbekov jastardıñ özge ağımdarğa ilesuiniñ eñ bastı sebebi, bilimsizdik ekenin basa ayttı.
Atalmış is-şara mektep mwğalimderi men oquşılarğa oy tastap, kökeylerinde jürgen swraqtarına jauap aluğa septigin tigizdi.
Tölebi audanı ortalıq «Nwr» meşiti.
Pikirler